Тәрбие жұмысын ұйымдастырудың ерекшеліктері
Тәрбиенің негізі – оқыту, тәрбие және дамудың бірлігін қамтитын үйлесімді дамыған тұлға «Толық адам» ұлттық идеалы болып табылады. Тәрбие – ұрпақты биік мұратқа жетелейтін сапалы білімнің тұғыры және тұлғаның адамгершілік тұрғыдан толысуын қамтитын үздіксіз процесс. Тәрбиенің мәні – ұлттық және жалпыадамзаттық құндылықтар негізінде білім алушылардың тұлғалық қасиеттерін қалыптастыру үшін жағдай жасау. Құндылықтар адамның белгілі бір әрекет етуге деген тұрақты сенімін білдіреді және жеке адамның да, бүкіл қоғамның да өркендеуінің негізі болып табылады. Құндылық білім алушының өмірлік ұстанымына, іс-әрекетіне, мінез-құлқына, дүниетанымына және этикалық нормаларды сақтауына әсер етеді. Мемлекет басшысы Қ. Тоқаев Ұлттық құрылтайдың «Адал адам – Адал еңбек – Адал табыс» атты үшінші отырысында сөйлеген сөзінде негізгі құндылықтарды атап өтті:
•Тәуелсіздік және Отаншылдық
• Бірлік және Ынтымақ
• Әділдік және Жауапкершілік
• Заң және Тәртіп
• Еңбекқорлық және Кәсіби біліктілік
• Жасампаздық және Жаңашылдық
Бұл құндылықтар «Біртұтас тәрбие» бағдарламасының (бұдан әрі – Бағдарлама) негізіне айналады. 2024-2025 оқу жылында білім беру ұйымдарында тәрбие жұмысы осы бағдарламаның негізгі ережелеріне сәйкес ұйымдастырылатын болады. Әрбір құндылық оқу процесінде жүйелі түрде көрінеді. Әр ай тұлғаны қалыптастыруға бағытталған іс-шараларды қамтиды:
• Қыркүйек – еңбекқорлық және кәсіби біліктілік айы
• Қазан – тәуелсіздік және отаншылдық айы
• Қараша – әділдік және жауапкершілік айы
• Желтоқсан – бірлік және ынтымақ айы
• Қаңтар – заң және тәртіп айы
• Ақпан – жасампаздық пен жаңашылдық айы
• Наурыз – тәуелсіздік және отаншылдық айы
• Сәуір – еңбекқорлық және кәсіби біліктілік айы
• Мамыр – бірлік пен ынтымақ айы
Отбасылық клубтың жұмыс жоспары
2022 – 2023 оқу жылына арналған ЖЖИ отрядының (Қозғалыстың жас инспекторлары) жұмыс жоспары
Жас қозғалыс инспекторларының жасақтары туралы ереже
