Мектепте жасөспірімдермен кездесу, жоспарлы профилактикалық әңгімелер өткізу – учаскелік инспектор мен мектептің әлеуметтік педагогы Г.Қ.Бақажанованың бірлескен жұмысының құрамдас бөлігі. Учаскелік инспектор Алимов Д.С. 2023 жылдың 22 қарашасында 6-11 сынып оқушыларымен «Кәмелетке толмағандардың қылмыстық жауапкершілігі» тақырыбында профилактикалық әңгіме өткізілді. Дидар Садықұлы өз әңгімесінде ұрлық, тонау, бопсалау, дене жарақатын келтіру сияқты қылмыстарды жасағаны үшін жауапкершілікке тоқталды. Жасөспірімдерге қылмыстық жауапкершілік қай жастан басталатыны және қылмыс жасағаны үшін қандай жаза қолданылатыны түсіндірілді.
Сондай-ақ көшеде, қоғамдық орындарда, жаппай демалыс орындарында өзін-өзі ұстау ережелерін сақтауды, коменданттық сағатты сақтауды ұмытпауды қатаң тапсырды. Әлеуметтік педагог Г.Қ.Бақажанова мектеп оқушыларының назарына алкогольдік ішімдік пен темекінің зияны туралы айтып, бұл тәуелділіктердің неліктен қауіпті екенін түсіндірді.
